"Криштиану Роналду — менинг кумирим. Ўтган мавсум "Реал"да қийналаётганимда, унга қўнғироқ қилдим ва у менга ўзимга бўлган ишончни қайтаришга ёрдам берди. Ундан жуда миннатдорман", – деди Мбаппе.
Эслатиб ўтамиз, Роналду 2009 йилдан 2018 йилгача "Реал" сафида ўйнаган. 2022 йил охиридан бери Саудия Арабистонининг "Ал Насср" жамоасида ўйнаб келмоқда.
Мбаппе 2024 йилнинг ёзида "қаймоқранглилар" таркибига қўшилганди. Франциялик футболчи жорий мавсум барча мусобақаларда 35 ўйинда майдонга тушиб, 38 та гол урди ва 6 та голли пас узатди.
