Мбаппе қаторасига 3-бор Франция чемпионати тўпурарига айланди
24 май 2021 16:56
Янгиликлар

Мбаппе қаторасига 3-бор Франция чемпионати тўпурарига айланди

ПСЖ ҳужумчиси Килиан Мбаппе бу мавсум ҳам Лига 1 тўпурарлигини ҳеч кимга бермади.

22 ёшли футболчи мамлакат чемпионатининг 31 учрашувида майдонга тушиб, 27 та гол урди ва 7 та самарали узатмани амалга оширди.

Лига 1 тўпурарлар рўйхати иккинчи поғонасини "Лион" форварди Мемфис Депай ва "Монако" ҳужумчиси Виссам Бен-Йеддер бўлишишди (ҳар иккиси – 20 тадан гол). Депай ҳамкасбидан юқорироқ қўйилди, сабаби Бен-Йеддер кўпроқ голини пенальтидан урган (8 - 10).

Мбаппе қаторасига учинчи мавсум Лига 1"нинг "Энг яхши тўпурари"га айланди. Ўтган мавсум футболчи чемпионатнинг 20 учрашувида 18 та гол уришни уддалаганди, 2018/19-йилги мавсумда эса франциялик спортчи 33 бор рақиблар дарвозасини ишғол қилганди.