Мбаппе ПСЖ билан тузилажак янги битимга "Реал" ҳақидаги банд киритилишини сўради

Франциянинг L'Équipe газетаси хабарига кўра, музокаралар ҳал қилувчи босқичга кирган ва футболчи (Неймар каби) йилига 40 млн евро маош олишига келишилган.

Испаниянинг AS нашри эса Мбаппе ПСЖ олдига талаб қўйгани ҳақида маълум қилди. Унга кўра шартномага "Реал"дан яхши таклиф бўлса, футболчини қўйиб юбориш ҳақидаги банд қўшилиши керак. Аввалроқ коронавирус пандемияси туфайли юзага келган молиявий инқироз натижасида "Реал" футболчини ёзда харид қилолмаслиги ойдинлашганди.

Маълумот учун, жорий мавсум парижликлар сафида 33 ўйин ўтказган Мбаппе 30 гол, 17та самарали узатмага муаллифлик қилди.