Май. “Қўқон-1912” сардори ва мураббийининг фикрлари бир жойдан чиқмади
09 июн 2018 17:05
Янгиликлар

Май. “Қўқон-1912” сардори ва мураббийининг фикрлари бир жойдан чиқмади

Теглар : Қўқон-1912 Май

ПФЛ ҳамда Championat.asia ҳамкорлигидаги ойнинг энг яхшиларини аниқлаш масаласига овозлар келиши давом этмоқда.

“Қўқон-1912” клуби бош мураббийи Нўъмон Ҳасанов Шавкат Саломовга ўз овозини берди. Носир Отақўзиев эса майда энг яхшиси деб Сардор Собирхўжаевни топди.

Мураббийлар масаласида ҳам мутахассис ҳамда сардорнинг фикрлари бир жойдан чиқмади. Отақўзиев “Навбаҳор” устозини пешқадам сифатида кўрсатди ва Қосимовни учликка киритмади. Унинг бош мураббийи эса аксинча, Қосимовга биринчи ўринни бериб, Мўминжоновни иккига жойлаштирди.

Мазкур жамоада турфа фикрлилик дарвозабонлар масаласида ҳам давом этди. Отақўзиев Элдор Суюновга ишонч билдирди, Ҳасанов эса Ботирали Эргашевга. Мураббий Суюновни учинчи қилиб кўрсатди.

Ва ниҳоят голлар борасида ҳам фикрлар турлича бўлди, бироқ симпатия “Бухоро” томонга қараб кетди. Отақўзиевга Шавкат Саломовнинг голи ёқиб қолган. Ҳасановга эса Арслонмурод Омоновнинг.

Овоз бериш давом этмоқда. Олдинда АГМК клуби вакиллари қолди.

Ҳавола :

Манба : pfl.uz

Янгиликларни Телеграмда ўқинг!

Рейтинг: +7