Мавсумнинг кутилмаган 7 трансфери (+ФОТО)
18 окт 2016 20:50
Янгиликлар
![](https://championat.asia/upload/storage/224921_original.jpg)
![](/upload/storage/224921_220.jpg)
Мавсумнинг кутилмаган 7 трансфери (+ФОТО)
Ўз вақтида "Барселона" дарвозасини қўриқлаган Виктор Вальдес Манчестерда оғир дамларни бошидан ўтказди. Аввалига тиззадан олинган жароҳат, сўнгра Луи ван Гал билан юзага келган тушунмовчиликлар сабаб у захира посбонига айланиб қолди. Орада ижара асосида бошқа жамоада ўйнади. Ниҳоят, мавсум бошланиши олдидан "Мидллсбро" кутилмаганда тажрибали посбонни ўз сафига қўшиб олди.
"Арсенал" бош мураббийи Арсен Венгер ҳеч қачон Лукас Перес ҳақида гапирмаган, клубнинг унга қизиқиш билдираётгани ҳақида ҳеч қандай хабар ҳам маълум қилинмаганди. Мавсумлар оралиғидаги танаффусда "канонирлар" испаниялик ҳужумчини ўз таркибларига қўшиб олдилар.
Навбатдаги кутилмаган трансферимиз ҳам "Арсенал" билан боғлиқ. Фақат, бу сафар лондонликлар футболчиси Жек Уилшир бошқа жамоага ижарага бериб юборилди. Айни пайтда футболчи "Борнмут" сафида ижара асосида тўп тепмоқда.
Жо Харт. Гвардиола "Манчестер Сити" бошқарувини қўлга олганидан сўнг дарвозабон захира ўриндиғига михланди. Жамоадан кетиши кутилаётган посбон кутилмаганда "Торино" сафига ижара асосида бориб қўшилди.
Ўз вақтида шов-шувли тарзда "Бавария"га кўчиб ўтган Марио Гётценинг мюнхенликлар сафида иши юришмади. Ниҳоят, у мавсум бошланиши олдидан яна ўзининг жонажон "Боруссия"сига қайтди.
Ёз давомида бразилиялик футболчи Давид Луиснинг ПСЖдан кетиши ҳақида умуман гап сўз бўлгани йўқ. "Челси" бошқарувини қўлга олган Антонио Контега марказий ҳимоячи керак бўлиб қолди ва якунда Луис трансфер ойнаси ёпилишига оз вақт қолганда собиқ жамоасига кўчиб ўтди
Ниҳоят мавсумнинг энг кутилмаган трансфери: "Наполи" футболчиси Гонсало Игуаин А Сериядаги принципиал рақиби "Ювентус" сафига бориб қўшилди. 90 миллион евролик трансфер аргентиналик футболчини А Сериянинг энг қиммат футболчисига айлантирди
Азиз Тўхтамуродов
Ўхшаш янгиликлар
![AMP Logo](https://championat.asia/image/logo-amp.png)
Фикрлар