Олдинроқ, Мауро Икарди "Твиттер"даги аккаунтида "Chau Chau" (хайр) сўзларини қолдирган эди.
Мана шу сўзлар туфайли аргентиналик форварднинг "Қироллик клуби"га ўтиши ҳақида миш-мишлар авж олди. Бир неча соатдан сўнг Икардининг хотини Ванда Нара "Инстаграм"га сурат юклади. Унда Мадрид сўзи ёзилган эди.
"Алами" тармоғи эса Ванда ва Мауроларнинг Испания пойтахтидаги суратини тақдим этди.
Бу расмлардан сўнг, трансфер амалга ошиши ҳақиқатга яқиндек кўринмоқда.
Сўнгги маълумотларга кўра, агар "Реал" Икардини сотиб олса, бу харид учун Флорентино Перес 110 млн. евро тўлашига тўғри келади.
