Матьё: "Барселона"га ўтишни истамагандим"
04 апр 2021 17:35
Янгиликлар

Матьё: "Барселона"га ўтишни истамагандим"

Теглар : Барселона "Валенсия"Жереми Матьё

Ўтган йили фаолиятини якунлаган ҳимоячи Жереми Матьё "Валенсия"дан "Барселона"га ўтгани ҳақида гапирди.

"Барселона"га ўтишни истамагандим. Ўшанда "Валенсия"нинг сардори эдим, ҳаётдан завқ олаётгандим. Ўзимга савол бергандим: "Барселона" захирасини тўлдириш учун бораманми?
Таклиф олганимда клубдагиларга янги шартнома тайёрлашини сўрадим. Унда мен "Валенсия"да олаётган маошим ва "Барселона" таклиф қилган маошнинг қоқ ўртасидаги рақамни айтдим. Қўлимга сохта шартнома олиб клуб спорт директори Франсиско Руфетега юзландим: "Агарда сиз ҳам менга шундай маош таклиф қилсангиз, жамоада қоламан", дедим. У бу муаммо бўлмаслигини айтди.
Клуб президенти Амадео Сальво билан кўришдик, аммо у бундай маош тўлай олмаслигини айтди. Руфете ҳам буни ақлига сиғдира олмаётганди. Мен ҳам сохта шартномани йиртиб ташлаб, кетишим кераклигини айтганман", - деди Матьё.

Ҳавола :

Манба : Goal

Янгиликларни Телеграмда ўқинг!

Рейтинг: +9