UZ

Сўнгги янгиликлар

22:13Бобир Абдиҳолиқов: "Ўйинга 100% тайёрмиз. Эртага гол уришга ҳаракат қиламан"  4 21:40Алаба ва Милитао "Реал"да қолиши мумкин  0 21:20Ўзбекистон термаси асосий ўйинчиларидан бири жароҳат сабаб миллий жамоа лагерини тарк этди  27 21:04Қирғиз Республикаси термасининг "Бунёдкор" стадионидаги расмий машғулотидан ГАЛЕРЕЯ  6 21:01Ламин Ямал: "Барселона"нинг ҳозирги мақсади – требл"  1 20:45Ўзбекистон - Қирғизистон. Терма жамоамизда дисквалификацияга учраган футболчи борлиги ёдингиздами?  9 20:20Қирғиз Республикаси терма жамоаси устози Максим Лисицин матбуот анжуманида нималар деди? (матбуот анжумани тўлиқ ҳолда)   13 19:44Педри: "Тўп де Йонгда бўлса, мен хотиржамман"  2 19:11Ўзбекистон – Қирғиз Республикаси ўйинидан олдинги бешта асосий савол  18 18:58"Барселона" Фатидан қутулмоқчи  2 18:35Гюлер "Реал"даги ҳолатидан норози  0 18:11"Челси" "Реал"нинг икки юлдузи учун 180 млн евро тайёрлади  7 17:48Рауль Асенсио "Реал" билан шартномасини узайтиришга яқин  1 17:20Ўзбекистон – Қирғиз Республикаси. Ўзаро ўйинлар тарихи  17 16:58"Ливерпуль" Диогу Жота билан хайрлашишга тайёр  2

Мате Ватсадзе: "АГМКни тарк этишимнинг сабаби йўқ. "Насаф"га қойил қолдим. Учинчи ўрин барчани қониқтирди" Янгиликлар

Мате Ватсадзе: "АГМКни тарк этишимнинг сабаби йўқ. "Насаф"га қойил қолдим. Учинчи ўрин барчани қониқтирди"

АГМК қишки трансферлар ойнаси вақтида грузиялик футболчи Мате Ватсадзе билан дўстона равишда хайрлашишга қарор қилди.

Дебют мавсумидаёқ жамоа билан Суперлигада бронза медалларига эга чиқди, ўз голлари билан олмалиқликларнинг ғалабаларига муносиб ҳисса қўшди. Чемпионатда Ватсадзе 21та ўйинда майдонга тушиб 5та гол урган ҳужумчи қишда жамоасини ўзгартириш арафасида турибди. Аввалроқ сайтимизда унинг "Қизилқум" билан оғзаки келишувга эришгани ҳақида хабар чиққан эди. Биз эса футболчининг бу борадаги фикрлари билан қизиқдик.

- Мате, 2020 йилги мавсум легионер сифатида сизда қандай таассурот қолдирди? 

- Ўтган мавсум барчамиз учун оғир кечди. Ўйлайманки, худо хоҳласа тез орада пандемия буткул ортга чекинади. Йил бошида олдимизга совринли ўринлардан бирини қўлга киритиш вазифа қилиб қўйилганди. Футболчилар, мураббийлар штаби биргаликда вазифани ажойиб тарзда бажардик дея оламан. "Насаф"га эса қойил қолмасдан илож йўқ, улар иккинчи даврада бизга қараганда муҳим бўлган очколарн жамғаришди. Шунинг учун учинчи ўринни ёмон натижа ҳисобламайман. Клуб раҳбарлари ҳам қониқиш ҳосил қилишди. Жамоа билан ажойиб мавсум ўтказганимдан хурсандман.

- АГМКда сизга манзур келган ва келмаган беш жиҳатни айта оласизми?

- Албатта, биринчи галда жамоага келган илк кунимдаёқ мухлислар ва футболчилар илиқ қарши олишди. Жамоадошларим мослашишимда катта ёрдам беришди, учинчиси биз мавсумни совриндорлар қаторида тугатдик. Тўртинчи жиҳат клубдаги барча проффессионал эканлиги ва ўз ишига астойдил ёндашиши, бешинчи ижобий томони эса мухлисларнинг қўллаб-қувватлашидир. Ҳатто қийин кунларимизда ҳам бизга далда бўлиб туришганини унутмайман. 

- Ўзбекистон кубоги финалида "Пахтакор"га йирик ҳисобда мағлуб бўлдинглар, ундан аввал эса чемпионат доирасида ҳам шундай натижа қайд этилганди. Биринчи даврада эса аксинча рақиб майдонида кечган учрашув 2:2 ҳисобидаги дуранг натижа билан якунланганди. "Пахтакор" ҳақиқатдан ҳам Ўзбекистоннинг энг кучли жамоасими?

- Ҳа, "Пахтакор" айни пайтда Ўзбекистонда барчадан кучли. Бежиз улар кетма-кет иккинчи йил кубок ва чемпионатда ғолиб чиқишмади. Деярли ҳамма ўйинда ғалаба қозонишди.  

- Шундай экан нима сабабдан жамоани тарк этишга қарор қилдингиз?

- Ҳеч қандай сабаби йўқ. Шундай бўлиб қолди.

- Жорий йилги мавсумни "Қизилқум"да бошлашингиз қай даражада ҳақиқатга яқин?

- Балки бўлиши мумкин. Лекин ҳали ҳеч ким билан шартнома имзоламадим. 

Абдулазиз Искандаров суҳбатлашди

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика