Маскерано эртага расмий тадбирда “Барселона” билан хайрлашади
23 янв 2018 01:57
Янгиликлар

Маскерано эртага расмий тадбирда “Барселона” билан хайрлашади

“Барселона” ҳимоячиси Хавьер Маскерано эртага, 24 январь куни расмий тадбирда каталонияликлар билан расман хайрлашади.

Аргентиналик футболчи “Барселона” шарафини 2010 йилдан бери ҳимоя қилиб келмоқда. Аслида ҳимоячи Испания Кубоги чорак финалининг “Эспаньол”га қарши кечадиган жавоб учрашувида майдонга тушиши ва шу тариқа мухлислар билан хайрлашиши керак эди.

Лекин футболчининг жароҳати сабаб бу хайрлашув амалга ошмайдиган бўлди. Энди 24 январь куни жамоа раҳбарияти, мураббийлар, футболчилар ва ОАВ ходимлари иштирокида ўтказиладиган маросимда Хавьер каталонияликлар билан хайрлашади.

Маскерано фаолиятининг Хитойнинг “Хэбей Чайна Форчун” клубида давом эттиради. 33 ёшли футболчининг 14-рақамли футболкаси эса “Барселона”нинг янги хариди Коутиньога топширилади.