"Машъал"нинг март ойидаги энг яхши футболчиси - Зоҳир Қўзибоев

Сўровнома натижаларига кўра мухлисларимиз март ойининг энг яхши футболчиси дея , ҳужумчимиз Зоҳир Қўзибоевни танлади.

Сўровномада иштирок етган мухлисларнинг 3/1 қисми айнан Қўзибоевни танлаган. Ундан ташқари 17 фоиз мухлис Жаҳонгир Абдумўминовга овоз берган бўлса, 10 фоиз мухлис Зафар Тўраев номзодини қўллаб қувватлаган.

Эслатиб ўтамиз,  Зоҳир Қўзибоев март ойида "Сўғдиёна"га қарши (1:1) учрашувда ва "Андижон"да (0:1) ғалаба келтирган ягона голларга муаллифлик қилган.

Ушбу сўровномада иштирок етган барчага миннатдорчилик билдирамиз ва апрель ойи учун ҳам овоз бериш бошланганини маълум қиламиз.

Энди клуб ҳар ойда мухлислар томонидан энг яхши дея эътироф этилган футболчиларни тақдирлаб боради. Март ойининг совриндори эса клубнинг кейинги уй учрашувида мухлислар клуби томонидан тақдирланади.