"Машъал"га янги бош мураббий тайинланди

Жамоанинг Суперлигадаги муваффақиятсиз натижалари боис, бош мураббийи Александр Хомяков ўз аризасига биноан, лавозимидан озод этилди.

Олдинроқ хабар берилганидек, клуб раҳбарияти бош мураббий борасида якуний тўхтамга келди.

Клуб раҳбарияти тавсияси ва жамоатчиликнинг фикрига кўра жамоанинг содиқ ўғлони Дилявер Ваниев "Машъал" бош мураббийи этиб тайинланди.

Маълумот ўрнида, фаолияти давомида “Янгиер”да бошлаган ҳимоячи "Зарафшон", "Навбаҳор" ва "Машъал" жамоаларида бир мавсум тўп тепган 3-рақам эгаси, 2005 йилдан бери Муборакда. Орада бир мавсум "Андижон" либосини кийди. Хатто клуб 1-лигага тушиб кетган йили ҳам Ваниев жамоасига содиқ қолган эди.

1975 йилда таваллуд топган футболчи роппа-роса 39 ёшигача футбол ўйнади. Доимий равишда ўз савиясини бир хил тарзда ушлаб тура олган Ваниев ўз жамоасининг росманасига афсонасига айлана олди", - деб ёзади "Машъал" матбуот хизмати.