"Машъал": Валерий Николаевич Лёткин 70 ёшга тўлди

1945 йилда таваллуд топган футбол фахрийси айни вақтда ПФЛда фаолият олиб бормоқда. Ўз вақтида "Пахтакор" клубида футболчи сифатида узоқ муддат фаолият олиб борган Лёткин Самипалатинскнинг "Спратак" жамоасида бош мураббий сифатида фаолият бошлади. Шундан сўнг Жиззахнинг "Бўстон", Тошкентнинг "Трактор" жамоаларида ҳам мураббий сифатида фаолиятни давом эттирди.

1995 йилдан бошлаб "Машъал" бош мураббийлигини Валерей Лёткин олиб борди. Лёткин бошқарувида жамоа шаклланди. "Машъал" ўз тарихида биринчи марта Олий лига иштирок этди. Шу йилдан бошлаб Лёткин раҳбарлигидаги жамоада Серостанов ҳам фаолият олиб борди. Икки йил давомида муборакликлар Олий лига ўйинларидан баҳраман бўлди. Умуман олганда Лёткиннинг "Машъал" тарихида турган ўрни жамоани Олий лигага чиққани билан эсда қоларли бўлди. 1995 ва 1997 йилда ҳар икки мавсумни "Машъал" 16 жамоа орасида 14 поғонада якунлаб кучлилар сафида қолишни уддалади.

"Машъал" ПФК Валерий Николаевични тавваллуд айёми билан муборакбод этади. Футбол йўлидаги меҳнатини ҳамиша қадрлаймиз ва соғлик саломатлик тилаймиз!