"Машъал" франциялик футболчи билан келишиб олди
24 янв 2018 18:24
Янгиликлар

"Машъал" франциялик футболчи билан келишиб олди

Мубо ракнинг "Машъал" клуби янги мавсумга тайёргарликни давом эттирмоқда.

Олинган маълумотларга кўра, "газчилар" франциялик Эммануэль Мбелла ҳамда черногориялик Горан Вуйович билан оғзаки келишувга эришишган. Иккала футболчи ҳам Фарғона вилояти ҳокими кубогида "Машъал" сафида ўйнайди. Агар уларнинг ҳаракатлари мураббийларга маъқул келса шартнома имзоланади.

Фарғона вилояти ҳокими кубоги 28 январдан 10 февраль кунига қадар давом этади.

Эммануэль Мбелла 1992 йил Камерунда туғилган ярим ҳимоячи. Франция фуқароси ҳисобланади. Фаолияти давомида Руминия, Германия (қуйи дивизион), Албания ва Македония клубларида ўйнаган. 2011 йилдан буён 118та ўйинда 11та гол урган.

Горан Вуйович 1987 йил Черногорияда туғилган ҳужумчи. Черногория терма жамоаси сафида 1та ўйин ўтказган. Фаолияти давомида Сербия, Венгрия, Черногория, Россия, Албания клубларида ўйнаган.