UZ

Сўнгги янгиликлар

14:23"Жирона" "Краснодар" футболчисига кўз тиккан  0 13:55Ўзбекистон терма жамоаси Гонконгга етиб борди  3 13:44"Лацио" сотилмайди!"  0 13:22"Ал Аҳли" Аргентина термаси ярим ҳимоячисини сотиб олмоқчи  0 13:00Ориф Маматказин, "Обод" собиқ устози, "Нефтчи" афсонаси — U-19 чемпионатида ишлайдиган мураббийлари билан танишамиз (1-қисм)  2 12:49Санчо "Боруссия"да қолишни истайди  1 12:19Жароҳат олган бўлсада, Кейн терма жамоа лагерига йўл олди   2 11:42АПЛнинг икки вакили Австралияда майдонга тушади  0 11:04Роналду Швеция билан ўйин учун Португалия терма жамоасининг қайдномасига киритилмади  6 10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  8 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  21 09:51Пике «Барселона» бош мураббийлиги учун икки номзодни айтди  4 09:23Англия терма жамоаси Евро-2024 учун либосини тақдим этди  3 09:15Рустам Мирсодиқов 70 ёшда!  4 08:52«Арсенал»нинг яна бир футболчиси термада ўйнашдан бош тортди  5

"Машъал" директори Илҳом Қурбонов: "Лойиҳамиздан янги мураббий олиб келиш ўрин олмаган" Янгиликлар

"Машъал" директори Илҳом Қурбонов: "Лойиҳамиздан янги мураббий олиб келиш ўрин олмаган"

Мағлубиятлар кўчасига кириб қолган Муборакнинг "Машъал" жамоаси Суперлиганинг навбатдаги турида ўз майдонида "Қўқон-1912"га мағлубиятга учради.

 Учрашувдан сўнг жамоа мураббийи Дилявер Ваниев клуб раҳбарларидан истеъфо сўрашини маълум қилди. Биз бу борада "Машъал" директори Илҳом Қурбоновга юзландик.

"Дилявер Ваниевга икки кунга уйига жавоб бериб юбордик. Лойиҳамизда янги мураббий олиб келиш ўрин олмаган. Албатта, ўтган ўйинларни мураббийлар штаби билан биргаликда таҳлил қилиб чиқамиз. Кўраётган бўлсангиз ўйин, вазиятлар яратиш борасида мағлуб бўлмаяпмиз. Таркибимиздаги 80 фоиз футболчилар Суперлигада бу йил дебют қилди. Улар ҳали Суперлигада ўйнамаган эди. 

Айтганимдек янги мураббий олиб келмаймиз, фақат маслаҳатчи ёки ёрдамчи куч жалб қилишимиз мумкин. Олдиндаги ўйинларда Дилявер Ваниевга ишонишда давом этамиз. Тўғри, қийин рақиблар билан ўйинлар кутмоқда. "Пахтакор" билан ўйинда ҳам ижобий натижа учун ҳаракат қиламиз. Қўлни туширмаймиз. Бу қийин ҳолатдан чиқиб кетишга ҳаракат қиламиз. 

Маош билан боғлиқ муаммолар бизга ўхшаган бир нечта жамоаларда ҳам бор. "Бунёдкор", "Насаф" ҳам шу ҳолатда тўп тепмоқда ва яхши натижалар қайд этяпти. Тўғри, бу жамоаларда академиясидан чиққан йигитлар 3-4 йилдан Суперлигада бирга тўп тепмоқда. Агарда юқоридаги жамоалар ҳам мағлубият кўчасига кириб қолганида маош билан боғлиқ муаммоларни сабаб қилиб кўрсатсак бўларди. Маош баҳона эмас. Овқатланиш, машғулотлар, майдонлар ва бошқа ташкилий ишларни, шароитларни қўлимиздан келганича яратиб беришга ҳаракат қиляпмиз. Бу борада ҳеч кимда нолиш йўқ. 

Таркибимиздаги иқтидорли ёшларга ишонамиз. Уларнинг келажаги бор. Ҳужум чизиғимизда айрим муаммолар борлиги сабабли иккинчи даврада Ҳумоюн Муртазоевни ортга қайтардик. Лекин, у ҳам жароҳатлар сабаб кўп ўйинларни ўтказиб юборди",-дейди Илҳом Қурбонов.

Абдулазиз Искандаров ёзиб олди.

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика