“Марсель” 14 йил деганда финалга чиқди

Франция жамоаси учун бу 2004 йилдан бери Еврокубоклардаги учинчи финал бўлади. Бундан олдин “Марсель” икки финал ўйинида ҳам мағлубиятга учраган. Шунингдек, “Марсель” Франция тарихида Чемпионлар Лигасини қўлга киритган ягона жамоа ҳисобланади. Марселликлар 1992/1993 йилги мавсумда “Милан”ни 1:0 ҳисобида мағлуб этишган. Охирги бор Франция жамоалари Еврокубок финалида 2003/2004 йил қатнашган эди. Ўшанда “Марсель” УЕФА кубогида “Валенсия”дан мағлубият қабул қилиб олган.