Мареска: "Эстевао Палмер изидан боради"
23 окт 2025 19:59
Янгиликлар

Мареска: "Эстевао Палмер изидан боради"

"Челси" бош мураббийи Энцо Мареска Эстевао Виллианни Коул Палмер билан таққослади.

Чоршанба куни 18 ёшли вингер "кўклар"га "Аякс" устидан 5:1 ҳисобида ғалаба қозонишга ёрдам берди ҳамда гол урди ва Чемпионлар Лигасида гол урган клуб тарихидаги энг ёш футболчи бўлди.

"Эстеваога вақт керак, бироқ менинг фикримча, у Палмерга ўхшайди. Коул "Манчестер Сити"да қанотда бошлади, кейин жисмонан етуклашиб, марказда ўйнашга ўтди. Эстевао келажакда ҳам худди шу йўлдан бориши ва 10-рақам остида ўйнаши мумкин", – деди Мареска матбуот анжуманида.