Марат Мифтахутдинов: "Йигитлар ҳар бир ўйинга ғалаба хоҳиши билан чиқишяпти"

- Ўйин ҳақида

- Албатта, қийин ўйин бўлди. Биринчи навбатда "Насаф" жамоасини бугунги ғалаба ва кубокдаги муваффақият билан табриклаймиз. Бугунги ўйин осон ўтмаслигини билардик. "Насаф" ҳозирда чемпионлик учун курашмоқда. Таркибимизда маҳоратли футболчилар етарли эмас, аксарияти ёш. Масалан бугун ҳимояда битта тажрибали легионер футболчи ўйнади.

- "Динамо"нинг кейинги мақсадлари қандай?

- Айтиб ўтганимдек, бизда таркиб борасида муаммолар бор. Йигитлар ҳар бир ўйинга ғалаба ҳоҳиши билан чиқишаяпти. Аммо, кўриб турганингиздек, бизда таркиб ва маҳоратли футболчилар борасида муаммолар талайгина.

- Клуб раҳбариятининг жамоага эътибори яхшими?

- Албатта, яхши. Бизда молиявий масалалар бўйича муаммо йўқ. Таркиб борасидаги муаммолар селекция жараёни билан боғлиқ.

- "Динамо" нега ҳар ўйинда ўзгаришларни жуда эрта амалга оширмоқда?

- Аксарият футболчилар ёш. Ўйинга киришиб кетишда хатоликларга йўл қўйишмоқда. Шу сабабдан ўзгаришлар қилишга мажбур бўлаяпмиз.

- Шоҳмалик Комиловнинг алмаштирилишига сабаб нима?

- Шоҳмалик иқтидорли футболчи. Бироқ, бугунги ўйинда у жисмонан тайёр эмаслиги кўриниб қолди. 

- Вадим Абрамов нега матбуот анжуманида қатнашмаяпти?

- Вадим Абрамов самолётга кеч қолаётган эди. Шу сабаб ўрнига мен кирдим. Бош мураббийга саволлар бўлса кейинроқ бемалол сўраб олишинглар мумкин. Жамоамизда яширадиган ҳеч қандай сир йўқ.