Марадонанинг ўғли Мессига мурожаат қилди
19 дек 2022 19:10
Янгиликлар

Марадонанинг ўғли Мессига мурожаат қилди

Аргентина терма жамоаси Францияни мағлуб этиб, жаҳон чемпионига айланди.

Жанубий америкаликларнинг ғалабасига Диего Марадонанинг ўғли муносабат билдирди. У Неаполда яшайди ва профессионал мақомга эга бўлмаган "Наполи Юнайтед" жамоасини бошқаради.

"Аргентина жаҳон чемпиони. Мен сенинг ғалабангдан хурсандман Лео Месси, чунки бу кубокга сендан бошқа ҳеч ким лойиқ эмасди", — деб ёзди кичик Диего Марадона ижтимоий тармоқлардаги саҳифасида.

"Мен бутун халқим ва юртим учун хурсандман. Мен ҳар доим ўзимни аргентиналикдек ҳис қилганман. Отам ҳозир самода байрам қилмоқда", - дея қўшимча қилди афсонавий футболчининг ўғли.

Эслатиб ўтамиз, Диего Марадона 2020 йилнинг ноябрь ойида вафот этганди.

Ҳавола :

Манба : Football Italia

Янгиликларни Телеграмда ўқинг!

Рейтинг: +7