Манжукич фаолиятини Қатарда давом эттиради
24 дек 2019 22:14
Янгиликлар

Манжукич фаолиятини Қатарда давом эттиради

Туриннинг “Ювентус” клуби ҳужумчиси Марио Манжукич Қатарнинг “Ал Духайл” клубида фаолиятини давом эттирадиган бўлди.

Бу ҳақда Қатар клуби матбуот хизматининг Твиттердаги саҳифасида маълум қилинди.

33 ёшли хорватиялик футболчининг қанча муддатга қатарликлар билан келишувга эришганлиги ҳозирча ошкор қилингани йўқ.

Манжукич 2015 йилдан буён “Ювентус” шарафини ҳимоя қилиб келаётган эди. Ўтган тўрт мавсум давомида у “кекса сеньоралар” асосий таркибида ҳаракат қилиб келди. Аммо клубга Сарри бош мураббий этиб тайинлангач, у асосий таркибдаги жойидан маҳрум бўлди. Марио жорий мавсумда “Ювентус” таркибида бирорта учрашувга майдонга тушгани йўқ.

Италияга келишидан илгари Манжукич “Атлетико”, “Бавария”, “Вольфсбург” ва Загребнинг “Динамо”си шарафини ҳимоя қилиб келган.