Саралаш гуруҳида Роберто Манчини шогирдлари Швейцарияни олдинга ўтказиб юборди ва эндиликда "скуадра адзурра" плей-оффда иштирок этишга мажбур. Италияликларга жаҳон чемпионатига чиқиш осон бўлмайди: плей-оффнинг илк босқичида Шимолий Македонияга, ҳал қилувчи баҳсда эса Португалия – Туркия жуфтлиги ғолибига қарши баҳс олиб боради.
"Европа чемпионати биз учун жуда осон ўтганди. Эндиликда биз бироз қийналишга қарор қилдик", — деди Манчини.
Эслатиб ўтамиз, Италия терма жамоаси амалдаги Европа чемпиони ҳисобланади.
