"Манчестер Юнайтед" ёш футболчисини сотиб юборди

Фабрицио Романонинг маълумотига кўра, 22 ёшли ярим ҳимоячининг трансферидан клуб 6 млн евро ишлаб олади. Шунингдек, яна 2 млн евро бонуслар тарзида тақдим қилиниши мумкин.

Манкунианликлар футболчини 2027 йилгача ўз таркибига қайтариб олишлари мумкин. Ундан ташқари, "Панатинаикос" футболчини сотадиган бўлса, 45 фоиз маблағни МЮга тўлаши керак бўлади.

Маълумот учун, ўтган мавсумнинг иккинчи қисмини Пельистри ЛаЛигада "Гранада" таркибида ўтказди ва 15 ўйинда қатнашиб, 2 гол киритди.