"Манчестер Юнайтед" сотилишига ҳалиям умид бор

"Манчестер Юнайтед"ни сотиб олиш бўйича келиб тушган таклифларни қайта кўриб чиққан клуб эгалари уларнинг баҳосига тўғри келадиган таклифни топа олишмади. Шундай бўлса-да, яқин орада икки томонни ҳам мамнун қиладиган келишувга эришилиши эҳтимоли йўқ эмас.

Иккинчи таклифлар ўтган ҳафтада манфаатдор томонлар томонидан тақдим этилган эди. Оммавий савдо иштирокчилари Шайх Жассим бин Ҳамад Ал Таний, Сер Жим Рэтклифф ва Томас Зиллиакус бўлган эди.

Маълум қилинишича, Шайх Жассим ва Рэтклиффларнинг таклифи 4,5 млрд фунтдан оширилган, лекин талаб қилинган 6 млрд фунтга етмаган. Глейзерлар "Олд Траффорд"га эгалик қилиш бўйича таклифлар бўлишига умид билдиришмоқда.

Таклифларнинг охирги босқичидан сўнг савдо иштирокчилари Глейзерлар оиласи билан ишлаётган АҚШ банкидан жараённинг кейинги босиқичи қандай бўлишини эшитишни кутишмоқда. Ушбу банк таклифларнинг учинчи босқичини ўтказиши ёки афзал кўрилган иштирокчини белгилаши мумкин.

"Юнайтед" ходимларига мавсум охирига қадар клубнинг эгалиги борасида аниқлик киритилишини кутишлари айтилган.