Аввалроқ "Барселона" вингери ушбу мукофотни энг кўп гол урган футболчи эмас, балки энг яхши ўйинчи олиши кераклигини айтган эди. Шунингдек, 19 ёшли футболчи ўзи ва Килиан Мбаппени дунёнинг энг яхши футболчилари деб ҳисоблашини таъкидлаганди.
Мюнхенликлар ҳужумчиси Харри Кейн ўтган мавсумда энг кўп гол ургани учун "Олтин бутса"ни қўлга киритган эди. Англиялик футболчи ҳам Ямаль каби бу йилги "Олтин тўп" номинантлари қаторидан жой олган.
"Пиар-кампания олиб бориш керак-ку. Энг яхшилар — бундай кампанияга эҳтиёж сезмайдиган ўйинчилардир", — деди Эберль Sky Sport Germany нашрига берган интервьюсида.
