"Манчестер Юнайтед" Рабьонинг трансфери бўйича "Ювентус" билан келишувга эришди

Журналист Жанлука Ди Марционинг хабарига кўра, Манчестер клуби эндиликда 27 ёшли французни шартнома имзолашга кўндириши керак.

Қайд этиш керакки, ярим ҳимоячи учун энг катта муаммо "қизил иблислар"нинг ушбу мавсум Чемпионлар Лигасида ўйнамаслиги бўлиши мумкин.

Шу билан бирга, МЮ бош мураббийи Эрик тен Хаг Рабьо билан телефон орқали гаплашди ва унга биргаликдаги фаолиятга қизиқиш билдираётганини айтди.

Француз ўтган мавсум итальян жамоаси таркибида 45та ўйинда майдонга тушиб, 2та ассист қайд этди. Transfermarkt футболчини 17 миллион еврога баҳоламоқда.