"Манчестер Юнайтед" Бразилия терма жамоаси форварди билан музокара ўтказмоқда
22 апр 12:48
Янгиликлар

"Манчестер Юнайтед" Бразилия терма жамоаси форварди билан музокара ўтказмоқда

"Манчестер Юнайтед" "Вулверхэмптон" ва Бразилия терма жамоаси ҳужумчиси Матеус Куньяни ўз сафига қўшиб олмоқчи.

Айни дамда манчестерликлар футболчи билан шахсий шартнома шартлари бўйича музокаралар ўтказишмоқда, чунки форвардга бошқа клублар томонидан ҳам қизиқиш борлигини билишади. Маълум қилинишича, "Манчестер Юнайтед" дастлабки алоқалардан кейин оптимистик руҳда ишни давом эттирмоқда. Эслатиб ўтамиз, бразилияликнинг шартномасида 62,5 миллион фунт стерлинг миқдорида товон пули белгилаб қўйилган.

Кунья "Вулверхэмптон"га 2023 йил "Атлетико"дан ўтганди. Унинг амалдаги шартномаси 2029 йилгача мўлжалланган. Жорий мавсум 25 ёшли форвард барча мусобақаларда 31 ўйинда майдонга тушиб, 16 та гол урди ва 4 та ассист берди.

"Transfermarkt" портали бразилияликни 55 миллион еврога баҳоламоқда.

Ҳавола :

Манба : Фабрицио Романо

Янгиликларни Телеграмда ўқинг!

Рейтинг: +1