"Манчестер Сити" қишги трансферларда қанча маблағ сарфламоқчи экани маълум бўлди
03 янв 2022 20:43
Янгиликлар

"Манчестер Сити" қишги трансферларда қанча маблағ сарфламоқчи экани маълум бўлди

"Манчестер Сити" раҳбарияти қишги трансфер ойнасида яхшигина пул сарфлашни режалаштирмоқда.

Хабарларга кўра, "шаҳарликлар" бош мураббийи Хосеп Гвардиола янги футболчилар учун 150 миллион фунт (~180 миллион евро)га эга бўлади.

Манбанинг қайд этишича, кўрсатилган маблағ вингер Ферран Торреснинг "Барселона"га сотилгани туфайли молиявий фейр-плей доирасидан чиқмайди.

Аввалроқ "шаҳарликлар" Каталониянинг "Барселона" ярим ҳимоячиси Гавига қизиқиш билдираётгани ҳақида хабар берилганди. Қолаверса, Гвардиола анчадан буён иқтидорли марказий ҳужумчи билан шартнома имзоламоқчи. Испаниялик мураббий "Фиорентина"дан сербиялик ҳужумчи Душан Влаховични сотиб олишни маъқуллайди.

Ҳавола :

Манба : Manchester Evening News

Янгиликларни Телеграмда ўқинг!

Рейтинг: +8