Чемпионат якунланишига 2 тур қолганда "канонирлар" "Манчестер Сити"дан 4 очкога ортда қолмоқда, шунингдек, "шаҳарликлар"нинг захирадаги ўйини ҳам бор. Шундай қилиб, Хосеп Гвардиола жамоасига чемпионликни расмийлаштириш учун яна 2 очко етарли бўлади. "Манчестер Сити" кейинги турда, 21 май куни, "Челси" билан куч синашади. Айнан шу куни "Ман Сити" олтин медалларни нақд қилиши мумкин.
Эслатиб ўтамиз, "Манчестер Сити" ўтган мавсум якунларига кўра ҳам АПЛ чемпиони номига сазовор бўлганди.
