"Манчестер Сити" келаси мавсумдан Puma либосларини кияди. Келишув 760 млн. еврога тенг
28 фев 2019 14:54
Янгиликлар

"Манчестер Сити" келаси мавсумдан Puma либосларини кияди. Келишув 760 млн. еврога тенг

"Манчестер Сити" Puma компанияси билан 10 йиллик ҳамкорлик бўйича шартнома имзолаганини эълон қилди.

Инглиз нашрлари берган маълумотга кўра, келишув битими 760 млн. еврога тенг.

Puma келаси мавсумдан бошлаб "шаҳарликлар"га форма етказиб беришни бошлайди. Бундан ташқари, "шаҳарликлар"га қарашли яна 4та клуб - "Сичуань Цзюню", "Жирона", "Мельбурн Сити" ва "Атлетико Торке" ҳам ушбу компания либосларидан фойдаланади.

"Бу "Манчестер Сити" учун тарихий кун. Ҳозиргача ҳеч ким бундай битим имзоламаган. Бизга клубимиз каби тез ҳаракатлана оладиган ҳамкор керак эди. Сенда битта ҳамкор бўлса, музокараларга камроқ вақт кетади ва глобал ҳаракатланишга имкон беради" - дейди "Манчестер Сити" ижрочи директори Ферран Сориано.

Ҳавола :

Манба : Championat.com

Янгиликларни Телеграмда ўқинг!

Рейтинг: +21