"Манчестер Сити" форварди Холанд: "Жамоани ўз ортимдан эргаштиришим керак"
14 сен 11:30
Янгиликлар

"Манчестер Сити" форварди Холанд: "Жамоани ўз ортимдан эргаштиришим керак"

"Манчестер Сити" ҳужумчиси Эрлин Холанд жамоада етакчилик ролини ўз зиммасига олиши керак, деб ҳисобламоқда.

"Кўплаб муҳим ўйинчилар кетди, шунинг учун янги келганлар фарқни кўрсатишлари керак, менга ўхшаб бу ерда бир неча йилдан бери ўйнаб келаётганлар кўпроқ масъулиятни ўз зиммаларига олишлари керак. Мен жамоани ўз ортимдан эргаштиришим, янги келганларга имкон қадар тезроқ мослашишга ёрдам беришим керак, чунки янги мамлакатга келиб, дарҳол ўйнаш осон эмас. Биз бир-биримизга ёрдам беришимиз керак", - деди Холанд

"Манчестер Сити" мавсум стартида 3 ўйинда 3 очко жамғариб, Англия чемпионати турнир жадвалида 16-ўринда бормоқда.

Холанд 2022 йилдан бери "шаҳарликлар" сафида ўйнаб келмоқда. 25 ёшли норвегиялик футболчи жамоа сафида барча мусобақаларда 149 та ўйинда майдонга тушиб, 127 та гол ва 21 та голли узатмага муаллифлик қилган.

Ҳавола :

Манба : Sky Sports

Янгиликларни Телеграмда ўқинг!

Рейтинг: +2