"Манчестер Сити" дарвозабони жанжал қилгани учун тунги клубдан ҳайдалди
21 май 2024 23:10
Янгиликлар
"Манчестер Сити" дарвозабони жанжал қилгани учун тунги клубдан ҳайдалди
"Манчестер Сити" посбони Скотт Карсон жамоаси кетма-кет тўртинчи чемпионликни нишонлаган оқшом тунги клубни тонгда тарк этди.
38 ёшли учинчи дарвозабон Манчестердаги тунги клубда ўтказиладиган анъанавий чемпионлар кечасидан эрталаб соат тўртларда қўриқчилар томонидан ҳайдалган. Хабарларга кўра, у сархуш ҳолатда тартибсизлик келтириб чиқариб, меҳмонлардан бири билан уришишга ҳаракат қилган.
Ҳодисанинг бошқа тафсилотлари ҳозирча маълум эмас. Байрамда клубнинг барча аъзолари оилалари билан бирга иштирок этишди.
Карсон 2019 йил "Дерби Каунти"дан клубга келиб қўшилгандан бери "шаҳарликлар"нинг захирадаги дарвозабони саналади. Ўшандан бери у Пеп Гвардиола жамоасининг энг севимли ўйинчиларидан бирига айланди.
Англиялик посбон охирги бешта йилда атиги 2 маротаба майдонга тушган. Аввалроқ "Сити" бош мураббийи уни бошқаларга ўрнак бўлиши айтиб ўтганди.
Ўхшаш янгиликлар
championat.asia
U-17 Жаҳон чемпионати. Ўзбекистон ўсмирлар терма жамоаси илк турда Парагвайни мағлуб этиб, мусобақани ғалаба билан бошлади
ЕЧЛ. "Ливерпуль" ўз уйида "Реал Мадрид"ни мағлубиятга учратди
ОЧЛ-2. "Андижон" кетма-кет тўртинчи марта 0:0 ҳисобида дуранг ўйнади
ЕЧЛ. Драматик кечган ўйинда "Барселона" меҳмонда "Брюгге" билан дуранг ўйнади
Фикрлар