"Ман Сити" - "Лион": Бугун сенсация кўрамизми? (превью)

"Лион" ўтган мавсум Чемпионлар Лигаси гуруҳ босқичида "Манчестер Сити"га мағлуб бўлмаганди. "Сити"ни бир ўйинда ютгани ва дуранг ўйнагани кўпчиликнинг ёдида бўлса керак. Факт шуки, "Лион" ҳали ЧЛда "шаҳарликлар"га енгилмаган.

Премьер-лига титулини "Ливерпуль"га бой берган Пеп Гвардиола бошчилигидаги жамоа катта босим остида қолмоқда ва уларнинг фикр-у хаёли ЧЛни ютишга қаратилган. Улар бугун қоғозда фаворит, аммо олдинда уларни яхшигина қийинчилик кутиб турибди.

"Лион" - "Этихад"да Хосеп Гвардиола клубига биринчи бўлимни ўзида 2 та гол ура олган кам сонли жамоалардан бири. Французлар "шаҳарликлар"га қарши олдинги ўйинда яхши такшкил қилинган ўйини, прессинг қўллаши ва футболчиларнинг тинимсиз меҳнати туфайли 2:1 ҳисобида ғалаба қозонишган. Ўша пайтда жамоа бош мураббийи Бруно Женезио эди, бу ютуқда унинг ҳиссаси катта. Ғалаба йўлида жонини бериб ўйнаган футболчилардан яна иккитаси, булар Ферлан Менди ва Танги Н'Домбеле жамоани тарк этишган.

Юқоридаги фактлар Руди Гарсия қўл остидаги жамоанинг даражаси паст ва яна бир сенсация кўрмаймиз дегани эмас, албатта. Руди раҳнамолигидаги клуб Лига 1 да собиқ мураббийдан кўра яхшироқ натижага эришди ва Чемпионлар Лигасида янада яхшироқ ўйнай бошлади.

Кўпроқ "Лион" ҳақида тўхталдик, чунки Гвардиола ва унинг жамоаси ортиқча таърифлурга муҳтож эмас. Жамоа шу пайтга қадар шунчаки супер даражасини намойиш этиб келмоқда.

Таркиблар бўйича

"Манчестер Сити" таркибида ортиқча йўқотишлар мавжуд эмас. Бенжамен Менди дисквалификация муддатини ўтаб бўлган бўлса, Серхио Агуэро жароҳатидан тикланди. Британ матбуотига кўра, аргентиналик ҳужумчи "Лион"га қарши баҳсга тўлиқ тайёр бўлмайди ва бугун катта эҳтимол билан "Реал"га қарши жавоб ўйинида ўйнаган таркиб майдонга туширилади. Кутилаётган ягона ўзгариш - ўнг қанот ҳужумида Бернарду Силва ўрнига Рияд Махрез дастлабки дақиқалардан бошлаб майдонда ҳаракатланиши мумкин.

"Лион" таркибига тўхталадиган бўлсак, узоқ танаффусдан кейин жамоа тўпурари Мусса Дебмеле сафга қайтди ва Мемфис Депай билан ҳужумда жуфтлик ҳосил қилиши кутиляпти. Руди Гарсия бошқа ортиқча муаммоларга эга эмас. 

Муаллиф тахмини: Баҳс қизиқарли бўлмайди дейдиганлар адашади, бугун ажойиб тўқнашув гувоҳига айланамиз. Сенсация юз бериш еҳтимоли ҳам йўқ эмас.
Умуман олганда, "Манчестер Сити" футболчиларининг спорт формаси ва Гвардиоланинг маҳоратини инобатга олган ҳолда "Лион" ишончли ҳисобда мағлуб этилса керак.

Манчестер Сити Кевин Де Брёйне - 69'

Лига Чемпионов УЕФА. Плей-офф . 1/4-тур 16/08/2020, 01:00 3 : 1 Тугади

Лион Максвел Корне - 24', Мусса Дембеле - 79', Мусса Дембеле - 87'

Стадион: Estadio Jose Alvalade, 0 томошабин

Бош ҳакам: Danny Makkelie

45'

90'

29'  Фернандиньо

56'  Фернандиньо (Рияд Марез)

58'  Родриго Эрнандес

69'  Кевин Де Брёйне

69'  Рахим Стерлинг

84'  Родриго Эрнандес (Давид Сильва)

12'  Лео Дюбуа

24'  Максвел Корне

64'  Марсело Гедес

70'  Бруно Гимарайнш (Тиаго Мендес)

74'  Лео Дюбуа (Кенни Тете)

75'  Мемфис Депай (Мусса Дембеле)

79'  Мусса Дембеле

79'  Уссем Ауар

87'  Карл Токо-Экамби (Жефф Рен-Аделаид)

87'  Мусса Дембеле

Матч-центрда очиш

Шерзод Нурматов тайёрлади.