Маккойст Погба ҳақида: "Агар майдонда 90 млн. фунтлик футболчи ўйнаган бўлса, демак бу Н'Зонзи"
14 мар 2018 11:57
Янгиликлар

Маккойст Погба ҳақида: "Агар майдонда 90 млн. фунтлик футболчи ўйнаган бўлса, демак бу Н'Зонзи"

Шотландия терма жамоаси собиқ ҳужумчиси Алли Маккойст "Манчестер Юнайтед"нинг "Севилья"дан учраган мағлубияти (1:2) ҳақида фикр билдирди.

"Бу инглиз жамоасининг еврокубоклардаги энг ҳафсалани пир қиладиган ўйини бўлди. Агар МЮ "Кристал Пэлас"га қарши баҳсдагидек (3:2) ирода кўрсатганида, мухлислар мамнун бўлишарди. МЮнинг учрашув учун режаси қандай бўлганини тушунмадим, чунки улар гол ўтказмагунча "Севилья"га босим ўтказишмади.

Погбага тўхталадиган бўлсак, мен захирадан ўйинга қўшилганимда, нима эвазига ғалаба қозониш мумкинлигини кўрсатишга ҳаракат қилардим. Бироқ у жуда ёмон ўйнади. У ортиқча баҳоланган футболчи. Погбанинг МЮга фойда келтиришига шубҳа қиламан.

Аммо бор айбни фақат Погбага тўнкаш нотўғри. Агар майдонда 90 млн. фунтлик футболчи ўйнаган бўлса, бу Н'Зонзи. У ажойиб ўйин кўрсатди" - дейди Маккойст.

Ҳавола :

Манба : BBC Radio 5 live

Янгиликларни Телеграмда ўқинг!

Рейтинг: +25