Мадрид мэри шаҳарни ёзда ЧЛ финалини қабул қилишга тайёрлигини билдирди

Агар ташкилотчилар финални коронавирус пандемияси сабаб Истанбулдан бошқа жойда ўтказишга қарор қилишса, унда Мадрид варианти кўриб чиқилиши мумкин. Бу катта эҳтимол билан "Атлетико"нинг уй стадиони "Ванда Метрополитано" бўлиши мумкин. Қизиғи, ўтган йилги финал ҳам айнан шу стадионда ўтказилган эди.

Даъвогарлар орасида Лиссабон шаҳри ҳам бор.

"Мен чора-тадбирлар ўтказилаётганини биламан ва шуни айтмоқчиманки, шаҳар ҳокимияти финалнинг Мадридда ўтказилишини қўллаб-қувватлайди", - дейди Алмейда.

Алмейда "Атлетико" мухлиси ҳисобланади. У олдинроқ жамоанинг жорий мавсум ЧЛни олишига ишончи комиллини айтган эди.