UZ

Сўнгги янгиликлар

08:21"Манчестер Юнайтед" беш футболчига базага киришни тақиқлади — клуб улардан воз кечмоқчи  1 08:00"Финалиссима-2026": Испания ва Аргентина ўртасидаги супероқшом март ойида бўлиб ўтади  0 07:35Мутолаа учун. Раньери, Моуриньо, Карпин. Шомуродов энди туркиялик мураббий билан ишлайди. Аввалги мутахассислар билан қандай саргузаштлар бўлган?  0 01:17Максим Шацких: “Трансфер ойнаси ёпилгунича 2-3 нафар янги ўйинчи оламиз”  4 00:55"Андижон" назорат ўйинида Тожикистон жамоасини мағлуб этди  1 00:41Футболга қайтиш муборак: "Байер" Эрик тен Хагнинг дебют ўйинида йирик ҳисобда мағлуб бўлди  5 00:21"Манчестер Сити" Траффорд билан шартнома имзолаши мумкин  2 23:59"Ақлдан озаётган" "Тоттенхэм" ўз тарихидаги энг қиммат трансферни амалга оширишга тайёрланмоқда  2 23:46Алишер Одилов "Навбаҳор"ни тарк этди  5 23:24Микель Артета: "Мадуэке - АПЛнинг энг яхши ҳужумчиларидан бири"  1 22:50Месси Ямалга қарши: Финалиссима қачон бўлади?  9 22:20Исак "Ал Ҳилол"га ўтиши мумкин  1 21:53"Милан" Спортьеллони собиқ жамоасига қайтариб юборди  0 21:33Гампер Кубоги учун ўйин қаерда бўлади?  6 21:14Расман: Нони Мадуэке - "Арсенал" футболчиси!  5

Любинко Друлович: "Олимпия ўйинларига йўлланма олишни уддалаймиз" Янгиликлар

Любинко Друлович: "Олимпия ўйинларига йўлланма олишни уддалаймиз"

Хабарингиз бор, эртага футбол бўйича Таиландда ўтаётган U-23 Осиё чемпионатида Ўзбекистон ва Австралия терма жамоалари учинчи ўрин учун баҳс олиб боришади.

 Анъанага мувофиқ учрашувдан бир кун аввал ҳар икки терма жамоа бош мураббийлари иштирокида матбуот-анжумани бўлиб ўтди. Жамоалар якуний босқичда бўлгани боис мураббийлар билан бирга ҳар икки жамоанинг бир нафардан футболчилари ҳам мазкур анжуманда иштирок этишди. Терма жамоамиздан олимпиячиларимиз сардори Исломжон Қобилов қатнашди.

“Эртага жуда муҳим учрашув эканлигини билиб турибмиз. Бу осон ўйин бўлмайди. Австралия анча жиддий рақиб. Рақиб жамоа таркибида бир қатор тажрибали ва маҳоратли ўйинчилар бор. Рақиб тактикаларини кузатиб чиқдик. Эртага бор максимумизни ишга соламиз. Зеро, бўлажак баҳс ўзбек мухлислари ва халқи учун муҳимлигини тушуниб турибмиз. Умид қиламизки, Олимпия ўйинларига йўлланма олишни уддалаймиз”, – деди Любинко Друлович.


“Саудия билан ўйиндан кейин, аввало, руҳий жиҳатдан, кейин жисмоний жиҳатдан ўзимизга келиб олишимиз керак. Энди Австралиядек кучли рақибни мағлуб этиб, Олимпия ўйинлари йўлланмасини қўлга киритимиш лозим. Бунинг учун боримизни берамиз”, – деди Исломжон Қобилов.

– Жаноб Друлович, Саудияга қарши ўйиндан кейин йигитларга етарли мотивация бера олдингизми?

– Мотивация ўйиндан олдин жуда муҳим. Саудия билан ўйиндан кейин Токио-2020 учун бизда яна бир имкон бор. Йигитларим ҳам карьераси учун эртанги баҳсда ғалаба қозониш қанчалик муҳим эканлигини тушуниб туришибди. Биз ҳам бор кучимизни ишга солсак, мақсадимизга ета оламиз.


– Ҳар икки жамоаларнинг турли ёш тоифаларидаги ўйинларини ҳисобга олсак, кўпчилик “соккерузлар”нинг имкониятини юқори баҳоламоқда. Бунга қандай изоҳ берасизлар?

– Ҳар икки жамоада ҳам имконият 50/50. Бизда яхши ўйинчилар бор. Мен уларнинг имкониятига ишонаман. Ўтган ўйинда ҳам ғалаба учун анча яқин келдик. Лекин вазиятлардан фойдаланишда камчиликларга йўл қўйилди. Энди эртага шу камчиликларни қайтармасликка ҳаракат қиламиз (Любинко Друлович).
– Мураббийимиз айтиб ўтганидек, ўйиндан аввал ҳар икки жамоада имконият бир хил бўлади. Энг охирги ўйинларга қарайдиган бўлсак, бир неча йил аввал Баҳрайнда ўтган U-19 Осиё чемпионатида биз Австралияни 3:2 ҳисобида мағлуб этганмиз. Менимча, учинчи ўрин учун кечадиган баҳс финалдан ҳам муҳимроқ. Бу турнирга жамоалар Олимпиада йўлланмаси учун келишади. Финалдагиларда йўлланма нақд. Улар чемпионликни ҳал қилиб олишади. Биз эса Токио лицензияси учун курашамиз (Исломжон Қобилов).

– Баҳрайндаги мусобақада Достон Ибрагимов икки бор рақиб дарвозасини ишғол қилган эди. Кеча кўтаринки кайфиятда унинг туғилган кунини нишонлашди. Достон бўлажак баҳсга тайёрми?

– Албатта. Ҳозир нафақат Достон, балки ҳамма ўйинга тайёр. Аввало, биз ўзимизга ишонишимиз керак. Жамоадагилар бир-бирига ишониб, бир-бирини қўллаб майдонда ҳаракат қилса, биз, албатта, мақсадга ета оламиз.

Рейтинг: -70   

Фикрлар

championat.asia
< сўнгги янгиликларни кўриш
Яндекс.Метрика