UZ

Сўнгги янгиликлар

08:07Ламин Ямаль янги келишув бўйича “Барселона“да қанча ишлаб олиши маълум  0 07:40Хебай собиқ жамоасига қарши ўйин ҳамда кам гол ураётганининг сабаби ҳақида гапирди  0 07:15Пролига. Бугун Олмалиқда ўйин бор  0 02:02Валижон Раҳимов: "Андижон" ўз ўйинини топиб олади"  3 01:50Жавоҳир Сиддиқов: "Насаф" доимий соврин ютмоқда, бу ҳам ёқимли ҳолат"  2 01:32Илҳом Абдуғаниев: "Биргина пенальти барчасини ҳал қилди"  3 01:10Максим Шацких: "Насаф"дан қўрққанимиз йўқ. Истасангиз мени Хави деб атанг, менга фарқи йўқ"  11 00:42Усмонали Исмоналиев: "Иккинчи бўлимда ҳакамлар қандай ишлаганини тушунмадик. Пенальти йўқ эди"  25 00:27Рўзиқул Бердиев: "Биз Суперкубок ва Кубокда хет-трик қилибмиз-ку. Роналду катта эҳтимол билан бизни сотиб олса керак, биз уни эмас"  5 00:14Расман: "Барселона" ва Ямал шартномани узайтирди  4 23:44Абдувоҳид Неъматов: "Кимдир имконият берганида балки, пенальтини тепган бўлардим"  1 23:30Ўзбекистон Суперкубоги. "Насаф" - "Андижон" 1:0  1 23:15Бектемир Абдуманнонов: "Омад биз томонда бўлмади"  7 22:55Шерзод Насруллаев: "Бу ҳали бошланиши, бундай ғалабалар кўпроқ бўлишига ҳаракат қиламиз"  12 22:24Ҳусайн Норчаев: "Совринни ота-онамга бағишлайман"  8

Любинко Друлович: "Ҳиндистон бунчалик яхши ўйнашини кутмагандим" Янгиликлар

Любинко Друлович: "Ҳиндистон бунчалик яхши ўйнашини кутмагандим"

U-23 Осиё чемпионати саралаши доирасидаги Ҳиндистон U-23 - Ўзбекистон U-23 (0:3) учрашувидан кейинги матбуот анжуманида Любинко Друлович иштирок этди.

"Ўйлашимча шогирдларим бугунги ўйинни яхши ўтказишди. Сабаби биринчи ўйинда бирданига яхши ўйнаш оғир бўлади. Ўз майдонимиздаги мусобақада бироз бўлса ҳам босим бўлади. Шунчалик қийинчилик бўлса ҳам муносиб ўйнадик. Бундан ташқари Ҳиндистон бу даражада яхши ўйнашини кутмагандим. Бизга жуда яхши қаршилик кўрсатишди. Шогирдларимни ғалаба билан табриклайман", - дейди Любинко Друлович. 

- Бобир Абдихолиқов захирадан майдонга тушиб иккита гол урди. Нега у асосий таркибда эмасди?

- Бобир жуда яхши футболчи. Бироқ у охирги 7 кун машғулот ўтказмаган эди. Шу боис уни фақатгина захирадан майдонга туширдик".

- Йиғинлар вақтида Абдулла Абдуллаев ва Жасур Яхшибоев асосий таркибда ўйнашди. Бугун рақиб Ҳиндистон бўлгани учун уларни захирада қолдирингизми?

- Яхшибоев бизнинг йиғинимизга 5 кун олдин қўшилди. Уни жуда яхши футболчи деб ҳисоблайман, бироқ фақатгина АГМК билан баҳсдагина синаб кўрдим холос.



- Остон Ўрунов ва Ислом Кенжабоев рақибни алдаш жараёнида жуда кўп хато қилишди. Ойбек Рустамов эса жуда кўп брак паслар берди. Шу ўйинчилар ҳақида қандай фикрдасиз?

- Остон жуда ёш футболчи. Ёш бўлишига қарамай тўпни севадиган бола. У билан кўп гаплашганмиз, иложи борича оддий ўйнагин деб айтаман. Лекин барибир жуда яхши футболчи. Рустамов эса тактик жиҳатдан жуда яхши ўйинчи, ўз чизиқларини ёпиб тўғри ўйин кўрсатадиган футболчи. Хатоларга келадиган бўлсак, бу футбол, футболда бўлиб туради.

- Хожиакбар Алижонов 5 кун олдин йиғинга қўшилди. Кўпчилик Алижоновнинг "Пахтакор"даги ўйинларини кўриб уни асосий таркибда кутишганди...

- Унинг ҳам вазияти Яхшибоевга ўхшайди. Испания ва Туркиядаги йиғинларда ҳимоявий ўйинларга эътибор қаратдик. Ҳимоядаги футболчиларнинг бир-бирини тушуниши шаклланиб улгурган.

- Кейинги рақиб Тожикистон. Уларнинг устози Усмон Тошев. У ўзбекистонлик ва жамоамиз ҳақида барча маълумотни билади. Уларга қарши ўзгача тактика ёки сюрпризлар бўладими?
- Асосий мақсадимиз футболчиларни тиклаб олиш. Ҳиндистон ва Тожикистон ўртасидаги ўйинни кўрамиз. Усмон Тошев бизнинг жамоани билиши оддий хол. Бизнинг асосий мақсадимиз тикланишдан иборат.


- Абдихолиқов "Насаф"да марказий ҳужумда ўйнайди, аммо терма жамоаларда вингер сифатида ўйнади. Бугун ҳам уни вингер сифатида майдонга туширдингиз ва марказий ҳужумга ўтказганингиздан кейин иккита гол урди. 

- Албатта буни биламан. Бу жуда яхши ҳолат, чунки Бобирни ҳам вингер, ҳам марказий ҳужумчи сифатида ўйнатишим мумкин. Миржаҳон майдонда бўлганида уни вингер сифатида ўйнатдим.

Рейтинг: +20   

Фикрлар

championat.asia
< сўнгги янгиликларни кўриш
Яндекс.Метрика