Луисма Эрнандес : "Бугун ВАР йўқлиги панд берди"

- Ўйин ҳақида 

- Тинмай ёғаётган ёмғирдан келиб чиқсак, қийин бўлди. Бундан ташқари, кучли шамол ҳам қийинчилик туғдирди. Умуман олганда, икки жамоа ҳам яхши ўйин кўрсатди деб ўйлайман.

- Офсайд туфайли инобатга олинмаган гол ҳақида қандай фикрдасиз?

- Гол урган футболчи билан гаплашганимда у офсайдда бўлмаганини таъкидлади. Бугун ВАР йўқлиги панд берди. Агар тизим бўлганида барчасига ойдинлик киритилган бўларди. Менимча, ўйиндан ташқари ҳолат йўқ эди.

- Шоҳназар Норбековнинг ўйиндан олдин чигил ёзди машғулотлар пайтида жароҳат олиши олдиндан ўйланган режаларингизни ўзгартириб юбордими?

- Бу – футбол. Бунақаси бўлиб туради. Албатта, унинг жароҳати режаларамиз ўзгаришига олиб келди. Унинг ўрнига майдонга тушган футболчи чигил ёзди машқларда иштирок этмагани чакки бўлди. 

- "Металлург" жамоага легионерларни жалб қилмади. Бу борада нима дея оласиз?

- Ўтган йилги мавсум якунида ушбу мавсум учун режалар тузилаётганда асосан, маҳаллий футболчилар билан тўп тепиш вазифаси қўйилганди. Бу менга ҳам маъқул йўл бўлди. Клуб режа асосида фаолият олиб бормоқда.

- Асосий жамоага футболчиларни жалб қилиш мақсадида U-21 жамоаси ўйинларини кузатиб боряпсизми?

- Албатта, нафақат U-21 жамоаси, балки U-19 учрашувларини ҳам кузатиб боряпман. Вагин ва Неъматжонов каби футболчиларимиз уларнинг таркибида майдонга тушишяпти. Ўйлайманки, улар – "Металлург" келажаги. Ҳозирги кунда клубимиз нафақат асосий жамоа, балки "Металлург" қошида очилган академия билан доимий тарзда баҳамжиҳат иш олиб бормоқда.