Луис Энрике йирик ғалаба ва Германияга қарши бўлажак ўйин ҳақида гапирди

"Умуман олганда, 10 кундан бери сизга буни анонс қилиб келаётгандим. Барчаси мана шундай амалга ошса, футбол мўжизавий спорт турига айланади. 

Рақиб осон эмасди ва бизга муаммолар ярата олди. Аммо биз тўп билан ҳам, тўпсиз ҳам ажойиб ўйнадик. 

Ягона вазифамиз - ташаббусга эга бўлиш. Бунинг учун эса бизга тўп керак. Рақиб зерика бошлаганда бўш зона топа олмайди. Биз ажойиб тарзда прессинг қилдик. 16 нафар футболчимизнинг барчаси яхши ўйнади. Аммо ҳали ўрганадиган нарсаларимиз бор. 

Германияга қарши кимлар ўйнашини билмайман. Агар биз мусобақада 7 та ўйин ўтказиб, мақсадимизга эришишни истасак, буни якдил жамоа сифатида амалга оширишимиз керак. Асосий таркиб бунда ҳал қилувчи омил бўлмаслиги лозим. Мен хеч қачон фақат 11 нафар футболчининг ўзини танлаб олмаганман ва бундан кейин ҳам катта эҳтимол бунақа бўлмайди. 

Мақтовлар бўшаштиради. Энди биз Германияга қарши ўйинга тайёргарликни бошлаймиз", - деди Энрике.