"Локомотив"нинг биринчи, "Бунёдкор"нинг эса 7-финали

Қаршида "Насаф" билан дуранг ўйнаган "Бунёдкор" икки ўйин натижасига кўра мамлакат кубоги финалига йўл олди. "Қалдирғочлар"  ўз тарихларида 7-бор кубок финалига чиқишди.

Шу кунгача олти бор ҳал қилувчи учрашувда майдонга тушган "Бунёдкор" 4 бор кубокни қўлга киритган.

Тошкентнинг "Локомотив" клуби эса ўз тарихида илк бор Ўзбекистон кубоги финалида ўйнайдиган бўлди. "Темирйўлчилар" кеча "Пахтакор" билан дуранг ўйнашди ва икки баҳс натижасига кўра рақибдан устун бўлишди.

2002 йил ташкил топган "Локомотив" ҳозирга қадар икки бор ярим финалда тўхташга мажбур бўлганди (2010 ва 2013 йиллар).

Энди ноябрь ойини кутамиз, айнан кузнинг сўнгги ойида 2014 йилги Ўзбекистон кубоги соҳиби номи аниқланади.