“Локомотив” ёшлари бугун эрта тонгда Москвага йўл олдилар

“Локомотив” (Москва) клуби ва Россия Спорт федерацияси спорт мусобақаларини ўтказиш бўлими ҳамкорлигида “LOKO Cup 2016” мусобақасида иштирок этиш учун учиб кетдилар. Москвада  ўтказилаётган ушбу мусобақада 8та клуб 2 гурухга бўлинган ҳолда иштирок этади. Улар орасида Москванинг кучли “ЦСКА” ва “Локомотив” билан бир қаторда  Ўзбекистондан Эркин Саидов бошчилигида футбол мактаби ҳам таклиф этилган. Жамоамиз Станислав Прохоров (2008) ва Суннатилла Абдурасулов (2007) мураббийлиги остида бу мусобақада икки таркиб билан иштирок этади. Мусобақадан мақсад Мустақил давлатлар ҳамдўстлиги ҳудудларида жойлашган “Локомотив” клубларини бирлаштириш ва кучли футбол иттифоқини ташкил этишдан иборат.  

Мусобақага эртага старт берилади ва ёш “темирйўлчилар” икки таркиби ўйинни “Локомотив” (Перово) клубига қарши майдонга тушадилар.

Хабарингиз бор, “Локомотив” кучли, бой тарихга эга клублар “Сепахон” (Эрон), “Флитвуд Таун”, “Лиепая” (Латвия) клублари билан ўзаро ҳамкорлик меморандумларини имзолаган ва ушбу клублар истиқболли режалар амалга оширилмоқда. Ушбу мусобақа давомида клубимиз вакиллари ва рус клублари рахбариятлари билан расмий ўзаро учрашувлар белгиланган. Ҳамюртимиз Виталий Денисов тўп сураётган Москванинг “Локомотив” клуби рахбарияти билан 5 ноябрь куни расмий учрашув ўтказилади. Бу учрашувдан кўзланган мақсад келажакда спорт инфратузилмалари, маркетинг, мусобақалар ташкил этиш, мухлислар билан ишлаш, ўзаро мураббийлар, футболчилар алмашиш, икки Россия ва Ўзбекистон худудида ўқув йиғинларини ташкил этиш, медецина ва соғлом турмуш тарзини тарғибот масалари бўйича ҳамкорлик қилишдан иборат.

Ўйлаймизки, бундай мусобақалар ва учрашувлар ёш футболчиларимиз ва ўзбек футболини янада ривожлантириш учун хизмат қилади.

Жамоамизга ушбу мусобақада омад тилаймиз.