"Локомотив" янги мавсумга тайёргарликни кейинги йилдан бошлайди
20 дек 2022 11:50
Янгиликлар

"Локомотив" янги мавсумга тайёргарликни кейинги йилдан бошлайди

Гарчи жамоа Суперлигани тарк этиб, мавсумни Про лигада ўтказса-да, клуб раҳбарияти жамоа олдига бир йилнинг ўзида Суперлигага қайтиш вазифасини қўйди.

Шу боисдан клуб раҳбарияти ва мураббийлар штаби томонидан янги мавсум учун режалар жиддий тарзда ишлаб чиқилмоқда. Айни дамда жамоа таркибига янги олиб келинадиган футболчилар билан музокаралар олиб борилмоқда. Музокаралар якунланганидан сўнг таркибдаги янгиликлар билан ҳам таништириб ўтилади.

Жамоа мавсумга тайёргарликни 2023 йилнинг 6 январь кунидан "Локомотив" қароргоҳида бошлайди. Ушбу кичик йиғин 19 январга қадар давом этади ва жамоа 20 январь куни тайёргарликнинг иккинчи босқичини ўташ учун Туркиянинг Анталия шаҳрига жўнаб кетади.

Туркия йиғини доирасида "Локомотив" 6 та синов-назорат ўйинида қатнашади. Ҳозирча шулардан икки ўйиннинг рақиби ва санаси аниқ:

22.01.2023

"Локомотив" - "Краснодар-2" (Россия)

27.01.2023

"Локомотив" - "Дукажини" (Косово)

Йиғин доирасидаги қолган учрашувлар учун рақиблар билан музокаралар давом этмоқда. Бу борадаги маълумотларни кейинроқ таништириб ўтамиз.

Ҳавола :

Манба : "Локомотив" матбуот хизмати

Янгиликларни Телеграмда ўқинг!

Рейтинг: +3