"Локомотив" шифокори: "Лиссабондан топшириқлар бўлди"

"Жамоамизга тайинланиши анча аввалроқ маълум бўлган янги мураббийнинг дийдорини ҳали кўрганимиз йўқ. Аммо ундан ғойибона тарзда (интернет орқали Лиссабондан) етарли топшириқлар олиб улгурдик: Биринчи кунданоқ футболчилар танасидаги ёғ миқдорини текшириб, ортиқча бўлса чора кўрармуш; Паловхонтўрани жамоа учун бутунлай ёт таомга айлантирармуш; Яна, юртимизга келиши биланоқ раҳбарлар билан учрашишдан ҳам аввал илк суҳбатни жамоа шифокори – камина билан ўтказармуш...

Испанлар билан ака-ука миллат бўлса-да, поргугалиялик бўлажак мураббийимиз уларнинг ярим тунда “ужин” қилиш одатини юқтириб олмаган бўлса бўлгани... 

Бизга ва унга омад!", - деб ёзади шифокор ўз телеграм каналида.

Олдинроқ маълум қилганимиздек, "Локомотив"да янги бош мураббий португалиялик бўлиши кутилаётганди.