"Локомотив" - "Қўқон-1912". Имкониятлар қандай?

Турнинг сўнгги қарама-қаршилиги "Локомотив" ҳамда "Қўқон-1912" жамоалари ўртасида бўлиб ўтади.

"Локомотив" (Тошкент) - "Қўқон-1912" (Қўқон)
Ҳакамлар: М. Муҳамедов (Тошкент вил.), А. Маражабов (Андижон), З. Абдурахмонов (Андижон), Р. Тошмуҳамедов (Тошкент вил.)
Назоратчи: А. Попов (Тошкент).
ЎзПФЛ вакили: А. Иноятов.

Имкониятлар: 60:40%

"Қўқон-1912" жамоасининг "ўртасини ушлаб турган" Қувондиқ Рўзиев бугун меҳмонлар сафидаги катта йўқотиш.

Замонавий футболда марказ дарс кетса жамоага қийин бўлишини яхши биламиз. "Локомотив"да эса таркиб  борасида ҳеч қандай муаммо йўқ. Иккита таркибга эга жамоада биронта футболчи ўзини асосий таркиб аъзоси деб айта олмайди. "Олмалиқ" билан очколарни бўлишиб олган "темирйўлчилар"ни бугун хато қилишга ҳаққилари йўқ бўлса керак. Акс ҳолда "Насаф" ва "Пахтакор" анча илгарилаб кетадилар. "Қўқон-1912"нинг бугунги асосий кучи, водийдан ташриф буюраётган мухлислари бўлади.

Ўйинлар ҳар доим ҳам тахминларга мос бўлавермайди. Кўрамиз, устоз (Абрамов) ва шогирд (Абдуллаев) ўртасидаги ўйин бугун қандай кечар экан.