UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  7 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  6 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

"Локомотив" ўз майдонида бешинчи марта Саудия Арабистони клубига қарши Янгиликлар

"Локомотив" ўз майдонида бешинчи марта Саудия Арабистони клубига қарши

Теглар :  ОЧЛ Локомотив
Эртага "Локомотив" Осиё чемпионлар лигаси 4-турида майдонга тушади.

Саудия Арабистонининг "Ал Иттиҳод" клуби билан кечадиган учрашув "Локо" учун ниҳоятда муҳим аҳамиятга эга. "Локомотив" стадионида бўлиб ўтадиган баҳс соат 18:00да бошланади. 

Гуруҳдаги вазият 

Ортда қолган уч ўйиндан сўнг "Локомотив" 3 очко тўплаб қуйи ўринда боряпти. Лекин ҳали ҳеч нарса йўқотилгани йўқ. "Темирйўлчилар" гуруҳ босқичининг кейинги уч ўйинидан иккитасини ўз уйларида ўтказишади ва бу ўйинларда "Локо" ғалабага эришса гуруҳдан чиқиш учун ажойиб имкониятга эга бўлади. 

Фақат бунинг учун эртага дастлабки қадамни ташлаш керак. "Ал Иттиҳод" ўзига яраша кучли клуб, бу жамоа ўз майдонида ўтган беллашувда 3:2 ҳисобида зафар қучди. "Локо" 0:2 ҳисобида мағлубиятга учраётиб вазиятни ўнглай олганди, бироқ сўнгги дақиқаларда белгиланган пенальти бироз қимматга тушди. Аммо юқорида айтиб ўтганимиздек, ҳаммаси "Локо"нинг ўз қўлида. Жамоа кейинги баҳсларни ижобий якунласа бемалол ўз олдига қўйган илк вазифани уддалай олади. 

Ўйинолди тадбирлар 

"Ал Иттиҳод" 19 апрель куни чартер рейс билан юртимизга етиб келди. Жамоа аъзолари "Hyatt Regency" меҳмонхонасига жойлашишди. "Ал Иттиҳод" эртаси куни "Локомотив"га қарашли ТТЙМИ стадионида машғулот ўтказди. Жамоанинг бугунги расмий машғулоти ҳам шу стадионда бўлиб ўтди. Бунинг сабабини қуйироқда келтириб ўтамиз. 

Бугун соат 12:00да ҳар икки жамоа расмий вакиллари ҳамда учрашувга алоқадор масъуллар иштирокида анъанавий митинг ўтказилди. Унда эртанги ўйин билан боғлиқ масалаларга ойдинлик киритиб олинди. Табиийки йиғилишда мухлисларни энг кўп қизиқтирадиган савол жамоаларнинг қайси либосда тўп тепиши бўлади. Эртага "Локомотив" бу мавсум ҳисобидан биринчи марта қора либосларда тўп тепади. Ишқбозлар "темирйўлчилар"ни асосан қизил ва оқ формада кўриб ўрганиб қолишган. Лекин эртага бошқача бўлади: "Локо" тўлиқ қора либосда майдонга тушади.

 

Бугун шунингдек, ўйин олдидан матбуот анжумани ҳам ташкил қилинди. Дастлаб меҳvонлар устози Хосе Луис Сиерра, ундан кейин эса "Локомотив" бош мураббийи Андрей Фёдоров журналистларни қизиқтирган саволларга жавоб қайтарди. Бунда жамоа етакчиларидан бири Сардор Мирзаев бош мураббийга ҳамроҳлик қилди. Матбуот анжумани одатдагидек ўтди. Ҳар икки мураббий ўз қарталарини очишни истамади ва буни тўғри тушунса бўлади. Фақат иккала мутахассис ҳам ўз жамоаси фақат ғалаба учун тўп тепишини айтиб ўтди. 

Ўйин бўладиган майдондаги машғулот 

"Локомотив" режага кўра 16:45дан бошлаб ўйин бўладиган стадионда бир соат машғулот ўтказиши лозим эди. Бироқ кун бўйи ёққан ёмғир туфайли жамоа аъзолари чигалёзди машқларни ичкарида бажаришди. Майдонга чиққач эса футболчилар асосан тўп билан муомалада бўлишди. Шундай қилиб "Локомотив" 20 дақиқа ичкарида, 40 дақиқа майдонда шуғулланди. Бунга сабаб майдон ҳолатини эртанги ўйинга яхши сақлаш эди. 

"Ал Иттиҳод" эса соат 18:00дан бошлаб шу стадионда шуғулланиши лозим эди. Бироқ жамоа бош мураббийи майдон ҳолатини кўздан кечиргач, учрашув комиссари билан келишган ҳолда футболчиларини яна ТТЙМИ стадионига олиб боришни маъқул кўрди. Бунга сабаб сифатида чилилик мураббий ТТЙМИ стадиони меҳмонхонага бирмунча яқин эканини ҳамда ўйин бўладиган майдонда шуғулланмаса ҳам ҳеч нарса қилмаслигини маълум қилди. Шундай қилиб "Ал Иттиҳод"нинг бугунги машғулоти ҳам институт майдонида кечди.

 

Бешинчи ўйинда ғалаба кутамиз 

Эртага "Локомотив" ўз майдонида "Ал Иттиҳод"га қарши иккинчи марта баҳс олиб боради. Биринчиси 2016 йил ўтказилган бўлиб, 1:1 ҳисоби қайд этилганди. Ўшанда "темирйўлчилар" сафида Сардор Мирзаев тўп киритган. Умуман олганда эртанги беллашув "Локомотив"нинг Саудия Арабистони клубларига қарши ўз уйидаги бешинчи баҳси бўлади. 

Биринчи бор жамоа 2015 йил "Ал Ҳилол"га қарши майдонга тушиб, 1:2 ҳисобида мағлуб бўлган. Ундан кейин бир йил ўтиб "Ал Иттиҳод" билан 1:1 ўйнаган. Гуруҳдан чиққан "Локо" мусобақанинг 1/8 финалида "Ал Ҳилол"ни 2:1 ҳисобида мағлуб этганди. "Темирйўлчилар" бу учрашувни "Бунёдкор" стадионида ўтказганини мухлислар яхши эслайди. 

2017 йил эса жамоа "Ал Таавон" билан куч синашиб, голларга бой ўйинда 4:4 ҳисоби қайд этилган. Ва мана энди эртага бешинчи тўқнашув ўтказилади ва бу ўйинда "Локо"дан фақат ғалаба кутиб қоламиз. Тўғри, "Ал Иттиҳод" Осиёда ўзига яраша номдор клуб, бироқ ҳозирги жамоани бемалол мағлуб этса бўлади. Хуллас ҳаммаси "Локомотив"нинг ўз қўлида. 

Ўйлаймизки, эртага ўйиндан кейин ТТЗ даҳасида байрам бошланиб республикамизнинг турли жойларига уланиб кетади. Мухлислар "Локо"нинг ғалабасини соғинган. Буни жамоа аъзолари ҳам жуда яхши тушуниб туришибди. Эртанги ўйинда мухлисларнинг далдаси "Локомотив"га куч бағишлайди. Жамоа "Ал Иттиҳод"дек номдор клубни мағлуб этиш учун бор имкониятини ишга солади. Ишқибозларни эса ажойиб футбол спектаклига таклиф этиб қоламиз.

Муаллиф : Xayrulla Xoliqov
Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика