"Локомотив" Ал Айн шаҳрига етиб келди ва меҳмонхонага жойлашди
22 авг 2016 17:00
Янгиликлар

"Локомотив" Ал Айн шаҳрига етиб келди ва меҳмонхонага жойлашди

Теглар : Локомотив

Осиё чемпионлар лигасининг чорак финал ўйинларига тайёргарлик кўраётган "Локомотив" бугун эрталаб Тошкентдан парвоз қилиб, уч соатдан сал кўпроқ давом этган парвоздан сўнг БААнинг энг кўркам шаҳарларидан бири Дубайга етиб келди.

Жамоани у ерда "Ал Айн" клуби вакили кутиб олди ва буёғига автобусда Ал Айн томон жўнадик. Икки соатга яқин йўл юришдан сўнг манзилга келдик ва "Danat" меҳмонхонасига жойлашдик. "Ал Айн" - "Локомотив" учрашуви эртага бўлиб ўтади ва ўйин маҳаллий вақт билан 19:30да старт олади (Тошкент вақти билан 20:30га тўғри келади).

Бугун эса ўйинолди расмий тадбирлар - аввалига митинг, кейин матбуот анжумани, ундан кейин эса ўйин бўладиган стадионда жамоаларнинг расмий машғулоти бўлиб ўтади. Матбуот анжумани 18:00да бошланади. Бунда жамоамиз бош мураббийи Андрей Микляевга футболчи Олег Зотеев ҳамроҳлик қилади.

Ҳавола :

Манба : lokomotiv.uz

Янгиликларни Телеграмда ўқинг!

Рейтинг: +8