"Ливерпуль" бразилиялик ярим ҳимоячи учун 115 млн евродан кўпроқ маблағ таклиф қилди

"Қизиллар" ўрта чизиқни "Брайтон" футболчиси Мойсес Кайседо билан кучайтиришни режалаштирган эди, аммо у "Челси"ни танлади. 

Эквадорлик ўйинчи билан келишув муваффақиятсизликка учраганидан кўп ўтмай, "Ливерпуль" Гимараэс масаласида "Ньюкасл" билан боғланди. 

Манбанинг хабарига кўра, клуб 25 ёшли бразилиялик учун 100 миллион фунт (тахминан 116 миллион евро) таклиф қилган.

Бруно Трансфермаркт томонидан 70 млн еврога баҳоланган. Ярим ҳимоячининг "ҳаккалар" билан шартномаси 2026 йилгача мўлжалланган.