Австриялик футболчига "Ливерпуль" қизиқиш билдирмоқда. Мерсисайдликлар Алаба учун қишки трансферлар ойнасида катта пул тўлашга тайёр бўлган ягона клубдир.
Давиднинг ўзи эса мавсумни "Бавария"да якунлаб, кейин Испания чемпионатига, аниқроғи "Барселона" ёки "Реал" шарафини ҳимоя қилмоқчи.
Эслатиб ўтамиз, Алабанинг Мюнхен клуби билан тузган шартномаси жорий мавсумнинг сўнггида якунига етади, томонлар анчадан буён янги битим борасида келиша олишмаяпти.
28 ёшли ҳимоячи 2010 йилнинг июлидан бери "Бавария"да ўйнайди.
