Лионель Месси учун Мексикага кириш тақиқланиши мумкин

Мексикалик сиёсатчи Мария Клементе Гарсия Морено 35 ёшли аргентиналикка мамлакатга киришни тақиқлаш ташаббуси билан чиқди.

ЖЧ-2022 гуруҳ босқичининг 2-тур учрашувидан сўнг Аргентина терма жамоасининг кийим алмаштириш хонасидаги видеолар тарқалганди. Видеода Месси ёнидаги ерда Мексика терма жамоасининг либоси ётганди. Тантана пайтида ҳужумчи уни оёғи билан суриб юборганди.

Бокс бўйича суперўрта вазн тоифасида мутлақ жаҳон чемпиони мексикалик Сауль Алварес ушбу эпизодга муносабат билдирди. У имкони бўлса футболчини "жазолаш"га ваъда берди, бироқ кейинроқ ўз сўзлари учун узр сўради.