Левандовски ва Клопп ўртасидаги ўзгача баҳс ҳақида эшитганмисиз?!

Улар ўз вақтида "Боруссия Д"да бирга ишлашган.

2010 йилда айнан Клопп Левани Дордмундга олиб келган ва уни гол уришга илҳомлантириш учун ўзгача баҳс ўйлаб топган.

"Клубга келганимда немис тилида деярли гапиролмасдим. Мен фақат "данке" - "раҳмат"ни билардим. Об-ҳаво ёмғирли ва булутли эди. Машғулотлар интенсивлиги жуда ва жуда юқори эди.

Мен ўзимни кўрсатишни жуда ҳам хоҳлардим, Юрген эса мени руҳлантиришни. Шу сабаб дастлабки ойларда ўзаро кичик баҳс бойладик. Агар машғулотда мен 10та гол урсам, у менга 50 евро. Агар уролмасам, мен унга 50 евро.

Биринчи ҳафталарда деярли ҳар куни мен унга пул бердим. У куларди. Лекин, бир неча ой ўтганидан кейин вазият ўзгарди. Энди пуллар мени чўнтагимга туша бошлади.

Шу сабаб бир гал у менга шундай деди: "Стоп! Етарли, энди сен тайёрсан!", - дея Левандовскининг сўзларини келтирди "The Independent".