“Лестер” сенсацион тарзда “Ливерпул”ни мағлуб этди, Вардида дубл

Амалдаги мамлакат чемпиони “Лестер Сити” ўз майдонида “Ливерпуль” жамоасини қабул қилиб, 3:1 ҳисобида зафар қучди. Бу “тулкилар”нинг Кладуио Раньери жамоани тарк этганидан кейинги илк ўйини эди.

Учрашувда Жейми Варди дублга эришди. Варди 2017 йил ҳисобидан ҳали гол киритмаганди. Ягона жавоб тўпига Филиппе Коутиньо муаллифлик қилди.

Икки ойлик танаффусдан сўнг “Лестер” ниҳоят Англия чемпионатида ғалабага эришди. Жамоа бугунги ғалабадан сўнг 24 очко билан турнир жадвалида 18-поғонадан 15-ўринга кўтарилиб олди. “Ливерпуль” 49 очко билан 5-ўринда қолди. 

26-тур
Лестер – Ливерпуль 3:1 (2:0, 1:1)
Голлар: 1:0 – 28 Варди, 2:0 – 39 Дринкуотер, 3:0 – 60 Варди, 3:1 – 68 Коутиньо.
Лестер – Шмейхель, Симпсон, Морган, Хут, Фукс, Марез (Грэй, 80), Дринкуотер, Ндиди, Олбрайтон (Чилуэлл, 90), Окадзаки (Амарти, 69), Варди.
Ливерпуль –   Миньоле, Клайн, Матип, Лейва (Вудберн, 84), Милнер, Лаллана (Ориги, 66), Джан, Вейналдум, Мане (Морено, 66), Фирмино, Коутиньо.