Лэмпард клуб раҳбариятидан янги дарвозабон сотиб олишни талаб қилди
02 фев 2020 09:05
Янгиликлар

Лэмпард клуб раҳбариятидан янги дарвозабон сотиб олишни талаб қилди

“Челси” бош мураббийи Фрэнк Лэмпард клуб раҳбариятидан ёзги трансфер ойнаси вақтида испаниялик посбон Кепа Аррисабалага ўрнига янги дарвозабон сотиб олиш талабини қўйди, дея хабар бермоқда COPE.

АПЛ 25-тури доирасида “Лестер Сити”га (2:2) қарши беллашувда Лэмпард Аррисабалагани захирада қолдирди. Унинг ўрнида дарвозани Вилли Кабальеро қўриқлади.

Манба хабарига кўра, Аррисабалага мавсум охирига қадар майдонга туширилмайди.

Жорий мавсумда Англия чемпионатида Аррисабалага 24 та учрашувда майдонга тушди ва ўз дарвозасидан 32 та гол ўтказиб юборди. Испаниялик посбоннинг “аристократлар” билан шартномаси 2025 йилнинг ёзига қадар мўлжалланган. “Челси” 2018 йилда 80 миллион евро эвазига уни “Атлетик”дан сотиб олганди.

Ҳавола :

Манба : COPE

Янгиликларни Телеграмда ўқинг!

Рейтинг: -9